fbpx
სიახლე

Wizz Air ფრენებს ოქტომბრიდან განაახლებს

Written by mx

✈ ოქტომბრიდან ავიაკომპანია Wizz Air – ქუთაისი – რიგის მიმართულებით რეგულარულ საჰაერო მიმოსვლას ანახლებს. თავგადასავლების დროა 🤗🎉

რამდენიმეთვიანი პაუზის შემდეგ, ქუთაისის აეროპორტის კარი თქვენთვის კვლავ გაიხსნება ✌️

პირველი ეტაპისთვის ავიარეისებს ავიაკომპანია Wizz Air კვირაში ერთხელ შეასრულებს ✈

საქართველოს ეკონომიკისა და მდგრადი განვითარების სამინისტროს ინიცირებით, ცვლილება შევიდა მთავრობის N322 დადგენილებაში „იზოლაციისა და კარანტინის წესების შემოღების შესახებ“, რომლის შესაბამისად, ქუთაისის საერთაშორისო აეროპორტსა და რიგის საერთაშორისს აეროპორტს შორის ოქტომბრიდან შესაძლებელი ხდება პირდაპირი საერთაშორისო რეისების შესრულება. აღნიშნულის გათვალისწინებით, საქართველოს მთავრობის მიერ მიღებული გადაწყვეტილების საფუძველზე და ეკონომიკის მინისტრის დავალებით, სამოქალაქო ავიაციის სააგენტომ უკვე დაასრულა ტექნიკური კონსულტაციები ავიაკომპანია Wizz Air-თან.
დაბალბიუჯეტიანი ავიაკომპანია რიგა-ქუთაისი-რიგას საჰაერო ხაზზე რეგულარულ რეისებს მიმდინარე წლის ოქტომბრიდან, კვირაში ერთი სიხშირით შეასრულებს. სამოქალაქო ავიაციის სააგენტოს მიერ, ავიაკომპანია Wizz Air-ს რეგულარული საჰაერო მიმოსვლის განხორციელებისათვის აუცილებელი ნებართვა უკვე მიენიჭა. ამასთან, დადებითი ეპიდემიოლოგიური დინამიკის შენარჩუნების შემთხვევაში, განიხილება ფრენის სიხშირის გაზრდის შესაძლებლობა ზამთრის სანავიგაციო სეზონიდან.
რიგა-ქუთაისი-რიგა წარმოადგენს მეოთხე საერთაშორისო მიმართულებას, რომელზეც რეგულარული საჰაერო მიმოსვლა განახლდება პანდემიის გამო დაწესებული შეზღუდვის შემდეგ. მიმდინარე წლის 2 აგვისტოდან, მიუნხენი – თბილისი – მიუნხენის საჰაერო ხაზზე რეგულარული ოპერირება ავიაკომპანია Lufthansa-მ აღადგინა, 8 აგვისტოდან, პარიზი – თბილისი – პარიზის საჰაერო ხაზზე რეგულარული რეისების შესრულება ავიაკომპანია Air France-მა განაახლა, ხოლო რიგა-თბილისი-რიგას საჰაერო ხაზზე რეგულარულად ავიაკომპანია Air Baltic ოპერირებს.

სხვა ავიაკომპანიების მიერ დაგეგმილი ჩარტერული რეისების განრიგი

📢 ✈️ ოქტომბრის თვეში დაგეგმილი ჩარტერული ფრენები:
🇵🇱 ✈️ 🇬🇪 თბილისი-ვარშვა (3,10,17,24 ოქტომბერი) -Lot Polish Airlines;
🇺🇦✈️🇬🇪 თბილისი-კიევი (6 ოქტომბერი) Yan Air
🇺🇦✈️🇬🇪 თბილისი-კიევი (10, 17, 24, 31 ოქტომბერი) – Sky Up Airlains
🇰🇿✈️🇬🇪 აქტაუ – თბილისი -(1 ოქტომბერი) Scat Airlines.
🇧🇾✈️🇬🇪თბილისი- მინსკი (1,8,15,22 ოქტომბერი) Belavia
*ავიაკომპანიები:
Airfrance (პარიზი);
Lufhtansa (მიუნხენი);
Airbaltic (რიგა);
ოქტომბრის თვეშიც შეასრულებენ რეგულარულ ფრენებს
დაგვიტოვეთ კომენტარი

About the author

mx