Shato mere – კომპლექსი შატო მერე

 


სასტუმროს აღწერა


კომპლექსი „შატო მერე“ ღვინის კომპანია “ვინივერიას” ბაზაზე თელავის მახლობლად, სოფელ ვარდისუბანში დაფუძნდა და 2011 წლის 18 სექტემბრიდან ფუნქციონირებს. ადგილობრივიყურძნის გადამუშავებით „ვინივერია” თეთრი და წითელი ღვინის რამდენიმე სახეობას აწარმოებს. ღვინის კომპანიასთან ერთად, შატოს კომპლექსი სასტუმროსა და რესტორანსაც მოიცავს.სასტუმროს ტერიტორიაზეა ასევე ღია აუზი, დიდი საკონფერენციო დარბაზი, მარანი, ღვინის სადეგუსტაციო განყოფილება, ბარი, ღია ჯაკუზი და საჯინიბო რამდენიმე არაბული ცხენით.„შატო მერე“ თბილისიდან დაახლოებით ერთი საათის სავალ მანძილზეა განთავსებული. უნიკალური ლანდშაფტი, სუფთა ჰაერი, კახური სამზარეულო, ექსკლუზიური ღვინოები, საუკეთესომომსახურება და ფასები ყველა პირობას ქმნის სასიამოვნო დასვენებისთვის. ოჯახთან, მეგობრებთან ან საქმიან პარტნიორებთან ერთად „შატო მერე“-ში გატარებული ერთი დღეც კიდაუვიწყარ შთაბეჭდილებებს დაგიტოვებთ.

სასტუმროს რესტორანი 150–250 პერსონაზე გთავაზობთ საგულდაგულოდ შერჩეულ ქართულ, ადგილობრივ კახურ და ევროპულ კერძებს, რომლებსაც კახეთში განთქმული შეფ–მზარეულიადგილობრივი ნატურალური პროდუქტებისაგან ამზადებს „შატო მერეს“-ს სტუმრების გემოვნების გათვალისწინებით. რესტორანი და მის წინ გაშლილი ვერანდა ქორწილის, წვეულებისა დასხვა სადღესასწაულო ღონისძიებისათვის საუკეთესო ადგილია. ბარი „ლაუნჯი მერე“ სტუმრებს საღამოს სასიამოვნოდ გასატარებლად ეპატიჟება. კარაოკეს მოყვარულებს შეუძლიათ გაერთონდა მუსიკალური შესაძლებლობები სრულად გამოავლინონ.

„შატო მერე“-ს მარნის ქვევრებში ადგილობრივად დაწურული ღვინო ინახება. სურვილის შემთხვევაში, სტუმრებს საშუალება აქვთ გაეცნონ ღვინის დაყენების ტექნოლოგიებს, მეღვინისფუნქციები თავადაც შეითავსონ და სადეგუსტაციო განყოფილებაში სასურველ ღვინოც დააგემოვნონ. ადგილობრივი წარმოების ღვინოს კახური და ევროპული ტექნოლოგიით ამზადებენ.ევროპული ტექნოლოგიით დამზადებულ ღვინოს, დაყენების წინ ჭაჭისა და კლერტისგან წმენდენ. კახური ტექნოლოგია კი ღვინის ჭაჭა-კლერტთან ერთად დაყენებასგულისხმობს. საკონფერენციო დარბაზი აღჭურვილია ყველა საჭირო ინვენტარით – აუდიო/ვიდეო აპარატურა, პროექტორი, დაფა, უკაბელო ინტერნეტი. დარბაზში ადგილების რაოდენობაღონისძიების მიხედვით 30-დან 100 ადამიანამდე განისაზღვრება. კომფორტული და მშვიდი სამუშაო გარემო ნებისმიერ ღონისძიებას საინტერესოს და სასიამოვნოს გახდის.

მესამე სართულის ღია ვერანდა ჯაკუზით დასვენების სრულ კომფორტს ქმნის კავკასიონისა და ალაზნის ველის მშვენიერი ხედებით. ცურვის, გარუჯვის და გაგრილების მსურველებსსაშუალება აქვთ სასტუმროს ეზოში ღია აუზს ეწვიონ, რომლის სეზონიც ადგილობრივი კლიმატის წყალობით მაისის დასაწყისიდან ოქტომბრის ბოლომდე გრძელდება. სასტუმროსკომპლექსში შედის „ვინივერიას“ ღვინის მარანი, სადეგუსტაციო დარბაზი და ღვინის საწარმო. სტუმრებს საშუალება აქვთ დააგემოვნონ „ვინივერიას“ თეთრი და წილელი ღვინოები, სეზონისმიხედვით მონაწილეობა მიიღონ რთველში, დაწურონ ყურძენი საწნახელში, ჩამოასხან საკუთარი სახელობის ექსკლუზიური ღვინო, გაეცნონ ღვინის დაყენებისა და ყველის დაძველებისტექნოლოგიებს, გამოაცხონ თონეში პური, ამოავლონ ჩურჩხელა, შეისყიდონ ადგილობრივი პროდუქცია და ხელნაკეთი ნივთები.„შატო მერე“-ს საკუთარი საჯინიბო აქვს. შესაბამისად,კახეთის ბუნების დათვალიერება არაბული ცხენებით არის შესაძლებელი. სურვილის შემთხვევაში, სტუმრებს შეეძლებათ ცხენზე ჯირითის ინსტრუქტორის გაკვეთილებიც მიიღონ დაადგილობრივ ღირსშესანიშნაობებს ტყეში სპეციალურად შედგენილი ტურისტული ბილიკებით ესტუმრონ. შატოს მიმდებარე ტერიტორია საუკეთესოა საფეხმავლო და საცხენოსნოლაშქრობის მოყვარულთათვის.


 

დატოვეთ Facebook კომენტარი

Leave a Reply

Your email address will not be published.

This site uses Akismet to reduce spam. Learn how your comment data is processed.