გასართობი ღონისძიებები

საჰაერო ბურთი

Written by mx

საჰაერო ბურთი

საჰაერო ბურთები

თქვენ შეგიძლიათ შეარჩიოთ ფრენა 1-3 ადამიანისთვის გათვლილი საჰაერო ბურთით, ან 16 ადამიაზნე გათვლილი საჰაერო ბურთით.

უსაფრთხოება

საჰაერო ბურთით ფრენა ისეთივე უსაფრთხოა, როგორც  თვითმფრინავით. ტექნიკური თვალსაზრისით საჰაერო ბურთი მოწყობილია საკმაოდ მარტივად და თითქმის არ შედგება ფუჭებადი დეტალებისაგან. ფრენის დროს პილოტი ცვლის სიმაღლეს, ადის და ჩამოდის და ამგვარად ახდენს საჰაერო ბურთის მოძრაობის მიმართულების კორექტირებას. ფრენის დროს ნარჩუნდება ჰაერის იგივე ტემპერატურა რაც მიწაზეა. აუცილებლად  თან იქონიეთ  ფოტო ან ვიდეო აპარატურა

ასაკი

10 წლიდან და ზევით.

სეზონი

აქტიური სეზონი იწყება აპრილის შუა რიცხვებიდან, როცა დგება სტაბილური და თბილი ამინდი და გრძელდება ოქტომბრის ბოლომდე. კარგი ამინდის შემთხვევაში ფრენა შესაძლებელია ზამთარშიც.

დრო და ადგილი

ჩვეულებრივ ფრენები ხორციელდება დილით ადრე, დაახლოებით 6:00, რადგან ამ დროს როგორც წესი მშვიდი და მდგრადი საფრენი ვითარებაა. ის უზრუნველყოფს მაქსიმალურ კომფორტს ფრენისას და მშვიდობიან დაფრენას. საღამოს საათებშიც შესაძლებელია ფრენა, იმ განსხვავებით, რომ ფრენის ხანგრძლივობა ამ დროს შემცირებულია დილასთან შედარებით.
საჰაერო ბურთი მოძრაობს მხოლოდ ქარის მიმართულებით. ამიტომ გაფრენის წინ ხდება ქარის მიმართულების შესწავლა სხვადასხვა სიმაღლეზე და ამასთან დაკავშირებით ხდება გადაწყვეტილების მიღება საიდან ავფრინდეთ.

საჰაერო ბურთით ფრენა შეყვარებული წყვილისთვის. ულამაზესი ხედები და ცოტა ადრენალინი. საჰაერო ბურთით ფრენა არის მეტად ემოციური თავგადასავალი, თითქოს რაღაც იდუმალთან გაახლოებთ. ფრენის დროს თქვენ იღებთ განსხვავებულ და არაჩვეულებრივ შეგრძნებებს. გარდა ამისა, ფრენის დროს თქვენ აბსოლუტურ სიჩუმეში იძირებით. აეროსტატი საკმაოდ ნელა მოძრაობს. თქვენ ვერ გრძნობთ ქარს, იმიტომ რომ დაფრინავთ ქართან ერთად.

სად და როდის გამოიგონეს პირველი საჰაერო ბურთი?

უძველესი დროიდან ადამიანები ცდილობდნენ დაეპყროთ საჰაერო სივრცე.ჰაერში გაფრენის მრავალრიცხოვან პიონერებს შორის დიდება მოიპოვა ორმა ფრანგმა, ძმებმა მონგოლფიებმა.1783 წელს მათ ააგეს ჰაერზე უფრო მსუბუქი ხომალდი – საჰაერო ბურთი.ძმები მონგოლფიების სფეროს გარსი გაკეთებული იყო ქაღალდისაგან და ტილოსაგან.ბურთი გავსებული იყო გამთბარი ჰაერით, რომელიც ცივ ჰაერზე მსუბუქია.1783 წლის 4 ივლისს უამრავი ხალხის თანდასწრებით ძმები მონგოლფიების ბალონი აფრინდა ჰაერში და ათ წუთში დაახლოებით 500 მეტრის სიმაღლეზე ავიდა.
რამდენიმე კვირის შემდეგ ძმები მონგოლფიების რეკორდი გააუმჯობესა ფრანგმა ფიზიკოსმა შარლმა.ჰაერზე მსუბუქი გაზით, წყალბადით გავსებულმა მისმა სფერომ ორ წუთში 1000 მეტრის სიმაღლეს მიაღწია.
ამ ცდებით დაინტერესებულმა პარიზის მეცნიერებათა აკადემიამ შესთავაზა ძმებს მონგოლფიებს, გაემეორებინათ საჰაერო ბურთით გაფრენა.ეს მოხდა 1783 წლის სექტემბერში.ამჯერად საჰაერო სფეროს გამოაბეს გალია, რომელშიც მოათავსეს პირველი მგზავრები – ცხვარი და იხვი.გაფრენის მშვიდობიანმა დაბოლოებამ მრავალ გულად ადამიანს აღუძრა სურვილი, მოეწყო საჰაერო მოგზაურობა.მალე ორი გაბედული ფრანგი, მარკიზ დარლანდი და შევალიე დე როზიე აფრინდნენ მონგოლფიების მსგავსი ბურთით.ასეთ ბურთებს მაშინ უბრალოდ, მონგოლფერებს ეძახოდნენ.

პირველი აერონავტების მიღწევებს მოჰყვა ახალი ცდები, 1785 წელს ფრანგმა ფრანსუა ბლანშარმა გამოიყენა ზურგის ქარი და საჰაერი ბურთით გადაუფრინა ლამანშის სრუტეს.
დაიწყეს საჰაერო ბურთების გამოყენება მეცნიერული კვლევებისათვის.ერთ-ერთი პირველი მეცნიერული გაფრენა მოახდინა ორმა ფრანგმა მეცნიერმა: ბიომ და გეი-ლიუსაკმა, რომლებიც 1804 წელს 7000 მეტრის სიმაღლეზე ავიდნენ და იქ 6 საათი დაჰყვეს.იმ დროისთვის ეს იყო ფანტასტიკური შედეგი.
საჰაერო ბურთს აქვს ერთი მნიშვნელოვანი ნაკლი:მისი მართვა არ შეიძლება და მიფრინავს იქით, საითაც ქარი დაუბერავს.ამ ნაკლის გამო საჰაერო ბურთებმა ვერ შეძლეს მთლიანად დაეპყროთ საჰაერო სივრცეები

 

დაგვიტოვეთ კომენტარი

About the author

mx