fbpx
სასარგებლო ინფორმაცია

როგორ ჩავალაგოთ ჩემოდანი?

Written by mx

ჩემოდნის ჩალაგება ხშირად დიდ თავის ტკივილს უკავშირდება, მოგზაურობის გამოცდილების მიუხედავად მაინც უამრავი ნივთი მიგვაქვს თან, რომელსაც არ ვიყენებთ, ჩემოდანი საშინლად მძიმე არის და საბოლოოდ კი ჩანთაში დიდი ქაოსი და გაუგებრობა ხდება.

ჩვენ გირჩევთ თუ როგორ ჩავალაგოთ ჩემოდანი სწორად:

  1. შეარჩიეთ ჩემოდნის ზომა სწორად – ძალიანი დიდი ჩემოდანი აუცილებლად გიბიძგებთ უამრავი ნივთი წაიღოთ, რომელსაც არ გამოიყენებთ; ძალიან პატარა ჩემოდნის არჩევის შემთხვევაში კი დამატებით ბევრი ჩანთის აკიდება მოგიწევთ. ამბობენ რომ სტანდარტული carry-on ჩემოდანი 55×40×23 საუკეთესო ზომაა მოკლე მოგზაურობებისთვის.
  1. გააკეთეთ საჭირო ნივთების სია – წინასწარ ჩამოწერეთ რისი წაღება გინდათ მოგზაურობაში, ეს დაგეხმარებათ არ დაგრჩეთ საჭირო ნივთები და თან ბოლო წამს არ ჩატენოთ ჩემოდანში ზედმეტი ტანსაცმელი თუ აქსესუარები.
  1. წინასწარ განსაზღვრეთ დღის ჩაცმულობა – მოიფიქრეთ რომელ დღეს რა სამოსს ჩაიცმევთ, რომელ აქსესუარებს გაიკეთებთ და თან წაიღეთ გამზადებული ლუქები, დამათებითად კი მხოლოდ ერთი ლუქი წაიღეთ გაუთვალისწინებელი შემთხვევებისთვის.
  1. ჩანთა ჩაალაგეთ თანმინდევრულად – ზემოთ ჩადეთ ის ნივთები, რომლებიც მალევე დაგჭირდებათ, ქვემოთ კი ისეთები, რაც შესაძლოა სულაც არ გამოიყენოთ. ამგვარად საჭირო ნივთის უცებ ამოსაღებად მთელი ჩემოდნის ამოლაგება არ მოგიწევთ.
  1. გამოიყენეთ ჩემოდანში ყველა თავისუფალი სივრცე – ჩანთის ჩალაგებისას ეცადეთ იყოთ მაქსიმალურად კომპაქტურები და გამოიყენოთ ყველა სივრცე, წინდები შეგიძლიათ ფეხასცმელებში ჩადოთ. სამოსი დაკეცვის მაგივრად დაახვიეთ, ასე ნაკლებ ადგილს დაიკავებს და არც დაიჭმუჭნება.
  1. დაახარისხეთ ნივთები – შეინახეთ ყველა სხვადასხვა ტიპის ნივთი სხვადასხვა შეფუთვაში. ცალკე ჩადეთ კოსმეტიკა, ცალკე სხეულის მოვლის საშუალებები, ცალკე აქსესუარები და შესაბამისად თავიდან აიცილებთ ჩემოდანში ქაოსს და არეულობას.
  1. გადაანაწილეთ სხეულის მოვლისა და ჰიგიენის საშუალებები პატარა ქილებში – წინასწარ ანსაზღვრეთ რამდენი პროდუქტი დაგჭირდებათ და გადაანაწილეთ ისინი მცირე ზომის შეფუთვებში, ეს დაგეხმარებათ ჩემოდანში სივრცე უკეთ გამოიყენოთ და თან ბარგი ძალიანაც არ დაგიმძიმდეთ.
  1. კარგად შეფუთეთ თხევადი პროდუქტი – შამპუნებს, კბილის პასტებს, საპნებს, დუშგელებს, კრემებსა და სხვა პროდუქტებს ხშირად ძვრებათ თავსახური მგზავრობისას. იმისთვის, რომ სხვა ნივთების გაფუჭება და დასვრა თავიდან აირიდოთ, ასეთი ნივთები ცალკე შეინახეთ და თანაც კარგად შეფუთეთ.
  1. წაიღეთ დამატებითი ნაჭრის ჩანთა დასვრილი სამოსისთვის – გამოცვლილი სამოსის შესანახად აუცილებლად თან გქონდეთ ნაჭრი ჩანთა, სადაც მოათავსებთ გასარეცხ ნივთებთ, რათა ისინი არ ჩადოთ სუფთა ნივთებთან ერთად ჩემოდანში.
დაგვიტოვეთ კომენტარი

About the author

mx