სასტუმროს აღწერა
„სასტუმრო კაბადონი”-ს სავიზიტო ბარათი მისი არაჩვეულებრივი ადგილმდებარეობაა: ბუტიკ-სასტუმრო სიღნაღის ცენტრშია განთავსებული მოედანზე, რომელიც ქალაქის ერთ-ერთი ღირსშესანიშნაობა და დამთვალიერებლების უსაყვარლესი ადგილია. „კაბადონის“ ერთი მხრიდან ალაზნის ველზე მიმოფანტული ვენახებისა და კავკასიონის ქედის პანორამული ხედი იშლება, მეორე მხარე კი იგი სიღნაღის ისტორიულ უბანს გადაჰყურებს.
„სასტუმრო კაბადონის“ ინტერიერის ინდივიდუალურ სახეს მოდერნისა და ძველი ქართული და აღმოსავლური მოტივების ერთობლიობა ქმნის. სასტუმროს მისაღების ჭერს ხელით მოხატული, აღმოსავლური ელემენტებითა და სარკეებით გაფორმებული ულამაზესი თაღი ამშვენებს. ჭერზე გამოსახული ორნამენტები მოზაიკით მოპირკეთებულ იატაკზეა გადათამაშებული. აღმოსავლურ სიჭრელეს 50-იან წლებში პოპულარული მოდერნის სტილის მინიმალისტური ავეჯი აბალანსებს – ცნობილი დიზაინერების საავტორო ნამუშევრები მარტივი, სადა და თანამედროვე ფორმებით. კედლების ნეიტრალურ ტონალობას ქართული ფარდაგებისა და ხალიჩების ცოცხალი ფერები ახალისებს. დეკორატიული ნივთები და აქსესუარები ქართულ ხასიათს ინარჩუნებს და განსაკუთრებულ ხიბლს სძენს ინტერიერს.
დახვეწილი გარემო, მშვიდი და ჰარმონიული ატმოსფერო, მომსახურების ფართო არჩევანი და ტრადიციული ქართული სტუმართმოყვარეობა – „სასტუმრო კაბადონი“ იდეალური ადგილია მათთვის, ვინც კომფორტს, სიმყუდროვესა და ყურადღებას აფასებს. ბუტიკ-სასტუმრო 21 ნომერს აერთიანებს. სტუმრების განკარგულებაშია რესტორანი, „სანსეტ ლაუნჯი“ ღია ცის ქვეშ, ღვინის ბარი და 2 ტერასა. „სასტუმრო კაბადონის“ ველნესცენტრში, სადაც დახურული საცურაო აუზი, სავარჯიშო დარბაზი და სილამაზის სალონია განთავსებული, მომხმარებლები თერმულ ზონაში რელაქსაციასა და სპაპროცედურებით სარგებლობასაც შეძლებენ.
ოთახის ტიპები და ფასები
მანსარდული ტიპის ერთადგილიანი ოთახი —–
მანსარდული ტიპის ორადგილიანი ოთახი —–
სტანდარტული ორადგილიანი ოთახი —–
დელუქსი (ალაზნის ველის ხედით)
| მთავარი სერვისი | სხვა მომსახურება |
|
|
| გართობა და კვება | ღონისძიებები | სხვა მომსახურება |
|
|
|
Leave a Comment