Aside

30  ნოემბერს, კვირას ტურისტული კომპანია “Walker” გთავაზობთ ტურს ქიზიყში.

მარშრუტი :
ხორნაბუჯის ციხე, არწივის ხეობა, დედოფლისწყარო.

სახეობა : კულტურული, სათავგადასავლო.
საშუალო სირთულე: მარტივი
სატრანსპორტო საშუალება: მიკრო-ავტობუსი
ხანგრძლივობა: 1 დღე (გასვლა 30 ნოემბერი 2014 კვირა)
ფეხით გასავლელი მანძილი: 6 კმ
ფიჭური კავშირი: პერიოდულად იჭერს არწივის ხეობაში 
კვება : კი
მანძილი: 280 კმ.

ფასი: 30 ლარი
(ფასში შედის: ტრანსპორტის გადასახადი, კვება, გიდი, ფოტოგრაფი)

შეხვედრის დრო და ადგილი: სადგურის მოედანი
კვირა, 30 ნოემბერი, დილის 08:30 საათი

თანხის ჩარიცხვა ხდება წინასწარ

ჩვენი რეკვიზიტები:

ორგანიზაცია: შპს walker
საიდენტიფიკაციო კოდი: 400117388
ანგარიშის ნომერი: GE35BG0000000817075800
საქ. ბანკის კოდი: BAGAGE22

საკონტაქტო: 551 897 555 შაკო
                            551  211 355 მიშა

(დაწვრილებითი ინფორმაციისთვის დააჭირეთ )

დასათვალიერებელი ადგილები

თბილისიდან გასვლა დილის 8 საათზე.  ორ საათიანი მგზავრობის შემდეგ, ვეწვევით ნაკრძალის ადმინისტრაციას დედოფლისწყაროში, სადაც მოეწყობა პრეზენტაცია ნაკძალის შესახებ. ასევე ვეწვევით ნაკრძალს და დავიწყებთ ექსკურსიას წინასწარ შედგენილი მარშრუტის მიხედვით და ვისადილებთ ბუნებაში. ექსკურსიის დასრულების შემდეგ დავბრუნდებით დედაქალაქში.

ხორნაბუჯის ციხე —  ხორნაბუჯი მდებარეობს დედოფლისწყაროს რაიონში, დედოფლისწყაროდან რამდენიმე კილომეტრში. იგი საქართველოს ერთ-ერთ უძველეს და ულამაზეს ციხე ქალაქს წარმოადგენს. თვითონ ციხის მთავარი ციტადელი მიუვალ კლდეზეა გაშენებული საიდანაც ულამაზესი ხედები იშლება. არქეოლოგიური გამოკვლევები ადასტურებს ამ ადგილას დასახლების არსებობას, ჯერ კიდევ წინაქრისტიანულ ხანაში, IV-III სს-ში ძვ.წ. ქალაქ ხორნაბუჯის განვითარება V ს-დან იწყება და ვახტანგ გორგასალის სახელთან არის დაკავშირებული, რომელმაც აქ საეპისკოპოსო კათედრა დააფუძნა, ხოლო თვით ქალაქი თავის ვაჟს, დაჩი უჯარმელს უბოძა. ციხე-ქალაქი სავაჭრო გზაზე მდებარეობდა. VI ს-დან იგი ქართლის ერისთავებს ეკუთვნოდა, ხოლო VIII ს-დან – ჰერეთის სამთავროს.         XI ს-დან ფეოდალთა გვარის მახატლისძეთა რეზიდენციას და გაერთიანებული საქართველოს განაპირა საერისთავოს ცენტრს წარმოადგენდა.

        XII ს-ში, თამარ მეფის დროს, ქალაქი კვლავ განიცდის დიდ აღმავლობას რის გამოც, ციხეს დღესაც თამარის ციხეს უწოდებენ.
ბერქა ყაენის დამანგრეველი შემოსევის შემდეგ, XIII ს-ში, ქალაქური ცხოვრება აქ მოიშალა და აღარც განახლებულა. თუმცა ხორნაბუჯის ციხეს თავისი საფორტიფიკაციო ფუქცია არ დაუკარგავს. XIV ს-ში იგი განაახლა ალექსანდრე კახთა მეფემ, ხოლო შემდგომში, XVII ს-ში ფეიქარ ხანის რეზიდენცია იყო, 1625 წელს კი გიორგი სააკაძემ დაუბრუნა საქართველოს. ამჟამად აქ შემორჩენილია შიდა ციხის კედელ-გოდოლები, გვირაბები, წყალსაცავები, მრავალრიცხოვანი გადასასვლელი დერეფნები და კიბეები.
1837 წელს ხორნაბუჯის ციხესიმაგრე უნახავს და დაუხატავს რუს პოეტს მიხეილ ლერმონტოვს. საქართველოში ყოფნის დროს ხორნბუჯი დაათვლიერა დიდნა ფრანგმა მწერალმა ალექსანდრე დიუმამ. მაღალ მთაზე განლაგებული ციტადელი ახლაც დიდ შთაბეჭდილებას ახდენს მნახველზე.

არწივის ხეობა — ბუნების ძეგლი წარმოადგენს ორი ობიექტისაგან შემდგარ უნიკალურ კომპლექსს. ერთი ნაწილი – კირქვიანი კლდეების კანიონია, მეორე კი მიმდებარე ტყის მონაკვეთი, სადაც მდებარეობს ხორნაბუჯის ციხე-სიმაგრე (V ს.).

კანიონში, რომელიც გამოირჩევა ლამაზი ლანდშაფტით, არაერთი მტაცებელი ფრინველი (არწივი, სვავი და სხვა) ბუდობს. ხეობის კლდოვანი ფერდობებიდან ჩაკიდებულ კლდეებზე შესაძლებელია ორბების ბუდეებისა და იშვიათი/გადაშენების პირას მყოფი მცენარეების ნახვა, რომელიც საქართველოს ტერიტორიაზე არსად გვხვდება.
არწივის ხეობაში საფეხმვალო მარშრუტის სიგრძეა 1 კმ, რომლის გავლა შესაძლებელია 1 სთ-ში.
ხორნაბუჯის ციხეზე საფეხმავლო მარშრუტის სიგრძეა 0.5 კმ. მის გავლას 30 წუთი სჭირდება.

 

რა ჩავიცვათ?
გვიანი შემოდგომის შესაფერისად. შედარებით თბილად და მსუბუქად. ფეხზე სასურველია წყალგაუმტარი ბათინკი ან სალაშქრო ფეხსაცმელი..
ეცადეთ პლასტმასის ძირიანი ფეხსაცმელი არ ჩაიცვათ, ხორნაბუჯის ციხეზე ასვლისას შეიძლება ფეხი გაგიცურდეთ და ჰაიდაapop.gif

რა წავიღოთ?
აუცილებლად:  სიმშვიდე და მაღალი განწყობა
სასურველია: გამოსაცვლელი სათადარიგო ფეხსაცმელი, თბილი ქუდი და ხელთათმანები

რისკები/საფრთხეები:
სველი კიბეები, ხორნაბუჯის ციხეზე ასვლისას ფეხი ცურავს და ყურადღებით უნდა ვიყოთ
ამინდის გაუარესების შემთხვევაში ატალახდება ციხემდე მისასვლელი გზა, შესაბამისად ტრანსპორტით ვეღარ მივალთ და მოგვიწევს დამატებით 3 – 4 კილომეტრის ფეხით გავლა.
მოსალოდნელი კი არ არის, მაგრამ თუ მოხდა სასწაული და ძლიერი წვიმა იყო, ვერ მივიღებთ მაქსიმალურ სიამოვნებას…

 

გასათვალისწინებელი პირობები:

არ მოვდივართ შეკრების ადგილზე ნასვამ მდგომარეობაში
არ ვუხვევთ დაგეგმილ მარშრუტს საკუთარი ნება-სურვილით!
არ ვიღებთ ალკოჰოლს სიარულისას
საკვებს მივირთმევთ ყველა ერთად (გარდა იმ შემთხვევისა, თუ ვინმე შეუძლოდ გახდა)
არ ვყრით ნაგავს!!!
არ ვყოფთ ჯგუფს “კუტოკებად” !
ყველა ერთად ვქმნით მეგობრულ, თბილ იდილიას გუნდში და ვქმოქმედებთ გუნდურად!

მოცემული პირობების შეუსრულებლობის შემთხვევაში ორგანიზატორი იხსნის ყველანაირ პასუხისმგებლობას მოლაშქრის წინაშე!

სააგენტო Walker წარმატებულ და სასიამოვნო ტურს გისურვებთ!

ქიზიყი, დედოფლისწყარო, ხორნაბუჯის ციხე, არწივის ხეობა.

დატოვეთ Facebook კომენტარი

Leave a Reply

Your email address will not be published.

This site uses Akismet to reduce spam. Learn how your comment data is processed.