ქარელი, ძამას ხეობა, ბატეთის ტბა

ერთდღიანი გასეირნება ძამის ხეობაში

მარშრუტი :
ქარელი, სამწევრისი, კეხიჯვარი, ყინწვისი, ორთუბანი,  ბატეთის ტბა. 

სახეობა : კულტურული, შემეცნებითი.
საშუალო სირთულე: მარტივი
სატრანსპორტო საშუალება: მიკრო-ავტობუსი
ხანგრძლივობა: 1 დღე (გასვლა 5 ივლისი 2014)
ფეხით გასავლელი მანძილი მთლიანობაში 3 კმ.
ფიჭური კავშირი: თითქმის ყველგან იჭერს
კვება : ერთჯერადი
მანძილი: 300 კმ.

ფასი: 25 ლარი

(ფასში შედის : ტრანსპორტის გადასახადი, ერთჯერადი კვება)

შეხვედრის დრო და ადგილი:  სადგურის მოედანი
შაბათი, 5 ივლისი, დილის 08:00 საათი

რა წავიღოთ?
1 ლიტრი წყალი.

რა ჩავიცვათ: თავისუფლად, სპორტულად, უმჯობესია ფეხზე სალაშქრო ფეხსაცმელი და გოგონებმა ბოლოკაბები, რადგან შარვლით არ შეიძლება შესვლა ეკლესიებში!

ტურის აღწერა:

გასვლა თბილისიდან ქ. ქარელის მიმართულებით,  ქარელში ჩასვლის შემდეგ გადავუხვევთ ძამას ხეობისკენ, ვესტუმრებით სამწევრისის წმ.გიორგის ტაძარს, რომელიც დღეს ჯვრის მონასტრის სახელითაა ცნობილი და აგებულია VII საუკუნეში

ჩავალთ სოფელ ყინწვისში ვიხილავთ XII-XIII საუკუნეების მიჯნაზე დაარსებულ ყინწვისის მონასტერს.  იგი ქართული ხუროთმოძღვრების ერთ-ერთი გამორჩეული ნიმუშია.

სამონასტრო კომპლექსის დათვალიერებისათვის საკმარისია 50 წთ. ყინწვისიდან გზას ვაგრძელებთ ძამას ხეობის მიმართულებით. 20 წთ მგზავრობის შემდეგ ვჩერდებით ორთუბნის დედათა მონასტერთან. ორთუბნის ტაძარი XVII საუკუნით თარიღდება, რომლისთვისაც  XVIII საუკუნის II ნახევარში სამსართულიანი სამრეკლო მიუშენებიათ. დედათა მონასტრის დათვალიერებისათვის 20 წთ საკმარისია.

მონასტრიდან ტრანსპორტით მივემართებით ბატეთის ტბის გადასახვევამდე –  საჭირო დრო 1 სთ (გადასახვევთან შესაძლებელია ლანჩი). გადასახვევიდან ტბამდე დარჩენილ  3 კილომეტრამდე მანძილს გავდივართ ქვეითად…

და ბოლოს ბატეთის ულამაზესი ტბა

ბატეთის ტბა კლასიკური მეწყრული ტბაა, სარკის ფართობი 0,02 კვ. კმ, მაქსიმალური სიღრმე – 12 მ, სიგრძე – 190 მ, სიგანე – 150 მ. გარშემორტყმულია წიწვნარ-წიფლნარი ტყით შემოსილი ფერდობებით. წყალი გამჭვირვალეა და მტკნარი. ტბიდან გამოდის ნაკადული. ტბაში ბინადრობს საქართველოს წითელ წიგნში შესული მცირეაზიური ტრიტონი (წითელი წიგნის მონაცემებით კალმახიც).

გასათვალისწინებელი პირობები:

არ მოვდივართ შეკრების ადგილზე ნასვამ მდგომარეობაში

არ ვუხვევთ დაგეგმილ მარშრუტს საკუთარი ნება-სურვილით!

არ ვიღებთ ალკოჰოლს სიარულისას

საკვებს მივირთმევთ ყველა ერთად (გარდა იმ შემთხვევისა, თუ ვინმე შეუძლოდ გახდა)

არ ვყრით ნაგავს!!!

არ ვყოფთ ჯგუფს “კუტოკებად” !

ყველა ერთად ვქმნით მეგობრულ, თბილ იდილიას გუნდში და ვქმოქმედებთ გუნდურად!

მოცემული პირობების შეუსრულებლობის შემთხვევაში ორგანიზატორი იხსნის ყველანაირ პასუხისმგებლობას მოლაშქრის წინაშე!