ზამთრის კურორტები

სამთო – სათხილამურო კურორტი გუდაური მდებარეობს დიდი კავკასიონის ფერდობზე საქართველოს სამხედრო გზის მიმდებარედ. დეკემბერ-აპრილში თოვლის სისქე 2 მეტრს აღწევს. არანაკლებ საინტერესოა გუდაური ზაფხულში: გრილი მთის ჰაერი, ხელუხლებელი ბუნება, ექსკურსიები ვერტმფრენით, ლაშქრობები, გასეირნება ცხენით, თევზაობა მთის მდინარეებზე, რაფტინგი და ა.შ.

მოთხულამურეების განკარგულებაშია: მარკირებული, მსოფლიო სტანდარტების დონეზე 2000-3000 მეტრზე მოწყობილი სათხილამურო ტრასები. დონეთა სხვაობა მერყეობს 1000 მეტრის ფარგლებში. სრიალი ვერტმფრენიდან (Heliskiing) – შესაძლებელია 3800 მეტრის სიმაღლეზე ზღვის დონიდან.

ბაკურიანი – პოპულარული სამთო-სათხილამურო კურორტი (1700მ) გარშემორტყმულია წიწვოვანი ტყეებით დაფარული მთებით. ზამთარი – დეკემბრიდან აპრილამდე – მზიანი და უხვთოვლიანია, ხოლო ზაფხული ხანგრძლივი და საკმაოდ გრილი. მზის აბაზანების მიღება მთელი წლის განმავლობაშია შესაძლებელი. ბაკურიანი ზაფხულში საბავშვო და საოჯახო კურორტია, ზამთარში კი სამთო-სათხილამურო სპორტის ცენტრი.

პროფესიონალებისა და გამოცდილი მოყვარულებისათვის არის ტრასები – სავარძლიანი ორადგილიანი (1200მ) და 1400მ სიგრძის საბაგირო გზებით. მას მოთხილამურეები აჰყავს ზღვის დონიდან 2000 მეტრის სიმაღლეზე. აგრეთვე არის «ტატრაპომას” ტიპის (1640მ) სათხილამურო ტრასა, რომელიც 2500 მ სიგრძისაა. არის 4 საბავშვო და მოზრდილთა საბაგირო გზები, რომელთა შორის ყველაზე დიდი 450 მ. სიგრძისაა.

დაგვიტოვეთ კომენტარი