პირველადი დახმარება

პირველადი დახმარება
გადაუდებელი შემთხვევის დროს

გაუთვალისწინებელი შემთხვევებისგან არავინ არის დაზღვეული, მთავარია ვიცოდეთ, როგორ მოვიქცეთ მსგავს სიტუაციაში.

პირველი და უმთავრესი!

არ დაიბნე, პანიკას არ აჰყვე და ხელიდან არ გაუშვა ძვირფასი წუთები – ექსტრემალურ სიტუაციებში ხომ ადამიანის ბედი ხშირად იმაზეა დამოკიდებული, რამდენად სწრაფად გაუწიეს მას პირველადი დახმარება…

არანაკლებ მნიშნელოვანია საკუთარ უსაფრთხოებაზე ზრუნვა, ვინაიდან თუ მაშველი თავად გახდა საშველი არ იქნება კარგი.

განვიხილოთ რა სახის ტრავმები შეიძლება მივიღოთ ლაშქრობებში:

ტრავმები– თუ მოტეხილობა არის ღია, პირველ რიგში ვამუშავებთ ჭრილობას, რათა არ შეიჭრას ინფექცია. მხოლოდ შემდეგ ვაფიქსირებთ კიდურს. ნებისმიერი ტრავმის დროს, რომელიც ხდება ლაშქრობაში, იქნება ეს მოტეხილობა, ღრძობა, ამოვარდნილობა თუ დაჭიმულობა ჩვენ მხოლოდ ვაფიქსირებთ კიდურს და გადაგვყავს უახლოეს სტაციონარში. როგორ ვაფიქსირებთ კიდურს? დეფორმირებული კიდური ზუსტად ისე უნდა დაფიქსირდეს როგორც არის! არ ვეცადოთ მის ჩასწორებას ან გასწორებას. არტაშანი ედება ისე, რომ დაფიქსირდეს სახსარი მოტეხილობის ზემოთ და ქვემოთ. არტაშნის დასადებად გამოდგება ყველაფერი მყარი რაც გვექნება ადგილზე, იქნება ეს მუყაოს, ფიცრის, ტოტის ნაჭრები. (უმჯობესია ვატაროთ სპეციალური ფიქსატორი).

როგორც მოტეხილობის ისე ამოვარდნილობის ჩასწორება არ შეიძლება. ტკივილის შესამცირებლად შეგვიძლია დავადოთ ცივი საფენი და ისიც მხოლოდ 6 სათის განმავლობაში არის ეფექტური, საფენი უნდა დავადოთ 15 წუთის ინტერვალით.

ღრძობა, მოტეხილობა, ამოვარდნილობის კლინიკური ნიშნებია

ტკივილი; შესივება; კიდურის არაბუნებრივი მდებარეობა; სისხლდენა; მოძრაობის დარღვევა.

სისხლდენა, ჭრილობა.

ჭრილობების მიღების რისკი ლაშქრობებში მეტად დიდია ამიტომ ჯობია ვიცოდეთ როგორ მოვიქცეთ ამ დროს.

დაიმახსოვრეთ:

1) თუ სისხლი ცოტაა ესეიგი მეტია რისკი ინფექციის, ამიტომ სწრაფად უნდა მოვბანოთ ჭრილობა ნებისმიერი სუფთა უფერული სითხით და შევახვიოთ სუფთა ქსოვილით.

2) თუ სისხლი დიდი რაოდენობითა ამ დროს არსებობს რისკი დიდი რაოდენობით დაიკარგოს სისხლი, ამიტომ ჭრილობაზე ვაფენთ რამოდენიმე ფენად დაკეცილ ქსოვილს და ვადებთ დამწოლ ნახვევს. თუ სისხლი ისევ ჟონავს კიდევ ვადებთ ნახვევს ძველის მოუხსნელად.

3) თუ ჭრილობიდან სისხლი შადრევანივით ასხავს, ასეთ დროს სისხლი ძალიან სწრაფად იკარგება,  ამის თავიდან ასაცილებლად არტერიის საპროექციო არეში (ჭრილობის ზემოთ) თითით (ან თითებით) ზეწოლა უნდა მოახდინოთ. ლახტი იდება მხოლოდ უკიდურეს შემთხვევაში. თუ ასეთი უკიდურესობის აუცილებლობა მაინც დადგა ვითვალისწინებთ შემდეგ რჩევებს.

  • დაშავებულს შუბლზე უნდა დაეწეროს (ნებისმიერი საშუალებით) ლახტის დადების რიცხვი და დრო. ლახტი ზამთარში ერთი საათით, ზაფხულში ორი საათით ედება. ამ ხნის გასვლის შემდეგ ის 5-10 წუთით უნდა მოუშვათ და ხელახლა დაადოთ თავდაპირველი ადგილიდან ოდნავ ზემოთ.
  • ლახტი აუცილებლად უნდა ჩანდეს.
  • შეამოწმეთ, სწორად ადევს თუ არა ლახტი – სწორად დადების შემთხვევაში კიდურზე პულსი არ ისინჯება.

ლაშქრობების დროს ასევე ხშირია ცხვირიდან სიხლდენა ასეთ დროს თავი წინ ოდნავ დაახრევინეთ, ხელებით თავი დააჭერინეთ და ცხვირის მიდამოში ყინული ან ცივ სითხეში დასვველებული ნაჭერი დაადეთ, თუ სისხლდენა 15 წუთში არ შეწყდა დაუყოვნებლივ გამოიძახეთ სასწრაფო დახმარება ან გადაიყვანეთ სტაციონარში.

გველის, ტკიპის, ძაღლის და სხვა ცხოველების ნაკბენი, ადამიანის ნაკბენი პირველი დახმარება გველის კბენის დროს: ნაკბენის ზემოთ მჭიდრო ნახვევის დადება, იმობილიზაცია (არტაშანი); ცივის დადება; სითხის უხვად მიცემა; თუ ცუდად გახდა, გამოიწვიეთ ღებინება; აუცილებლად მიიყვანეთ ექიმთან! არ არის სასურველი ნაკბენის ამოწოვა, მოწვა, ლახტის დადება. პირველი დახმარება ტკიპის კბენის დროს: ნაკბენზე წაუსვით ზეთი, ცხიმიანი მალამო, კრემი; თუ თავი მაინც მოსძვრა, ამოაძრეთ ის ისევე, როგორც აძრობთ ხიჭვს; ჩაატარეთ ნაკბენი არის დეზინფექცია; აჩვენეთ ექიმს.

საკვების გადაცდომის შემთხვევაში “ხუთს პლიუს ხუთი” მეთოდი. დაზარალებულს ხუთჯერ მკვეთრად უნდა დაარტყათ ხელისგული ბეჭებს შორის, ამის შემდეგ ხუთჯერ შეასრულოთ დიაფრაგმისქვეშა ზეწოლა.

  • ჰეიმლიხის მეთოდი: ამოუდექით დაზარალებულს უკან, შემოეხვიეთ და ოდნავ წინ გადახარეთ; ცალი ხელი მომუჭეთ და დაზარალებულს ჭიპის ზემოთ დაადეთ; მეორე მუშტს შემოხვიეთ და სწრაფი და ძლიერი მოძრაობით დააწექით მუცელს იმგვარად, თითქოს დაზარალებულის მაღლა აწევას ცდილობდეთ. შეასრულეთ ეს მოძრაობა ხუთჯერ (თუ აუცილებელი გახდა). თუ უცხო სხეული, რომელიც მოხრჩობას იწვევს, ადგილიდან არ დაიძრა, მთელი ციკლი თავიდან გაიმეორეთ.
    first aid

ყველა უფლება დაცულია © ტურისტული კომპანია WALKER