ლაშქრობა ლომისას მთაზე 2015 – ლომისას წმ. გიორგის ეკლესია. ლომისას მთა

31 მაისს, კვირას ტურისტული კომპანია “Walker”
გთავაზობთ ტურს მლეთაში

მარშრუტი :
ჟინვალის წყალსაცავი, ლომისის წმ. გიორგის ეკლესია, ლომისის პატარა ეკლესია ლომისას მთაზე.

სახეობა: მოსალოცი, სათავგადასავლო.
საშუალო სირთულე: რთული
სატრანსპორტო საშუალება: მიკრო-ავტობუსი
ხანგრძლივობა: 1 დღე (გასვლა 31 მაისი 2015 კვირა)
ფეხით გასავლელი მანძილი: 15 კმ
ფიჭური კავშირი: ყველგან
კვება : არ შედის
მანძილი: 210 კმ.

ფასი: 20 ლარი
(ფასში შედის: ტრანსპორტის გადასახადი, ფოტოგრაფი)

შეხვედრის დრო და ადგილი: სადგურის მოედანი
კვირა, 31 მაისი, დილის 06:30 საათი

თანხის ჩარიცხვა ხდება წინასწარ

ჩვენი რეკვიზიტები:

საკონტაქტო: +995 551 897 555
                          +995 551  211 355

(დაწვრილებითი ინფორმაციისთვის დააჭირეთ )

ტურის აღწერა:
თბილისიდან გავემართებით მთიულეთის მიმართულებით. გზად ვნახავთ ჟინვალის წყალსაცავს და მთიულეთის ბუნების ხედებს. მოვილოცავთ ლომისის ქვედა ეკლესიას და დავიწყებთ ლაშქრობას ლომისას მთისკენ (ბოლო მთაზე შესაძლებელია მოგვიწიოს თოვლიან გზაზე სიარული). მოვილოცავთ ლომისის წმინდა გიორგის სახელობის ეკლესიას, ვნახავთ მითიურ ჯაჭვს და მოვისმენთ ლეგენდებს ლომისის შესახებ. საღამოს გავჩერდებით ფასანაურში და მივირთმევთ უგემრიელეს ხინკალს და დავბრუნდებით თბილისში.

რისკები, საფრთხეები:

▼ მზისგან დამწვრობა▼
▼ დაღლილობა, რთული ლაშქრობის გამო ▼
▼ სასმელი წყალი რთული მოსაპოვებელია ▼

საჭირო აღჭურვილობა, რჩევები:

» კომფორტული (სპორტული) ტანსაცმელი »
» მოხერხებული ფეხსაცმელი (ბოტასი) »
» ერთი ბოთლი გაყინული წყალი »
»  წყლის ჭურჭელი »
»  ერთი დღის საკვები (დილის ლანჩისთვის) »
»  გამოსაცვლელი ფეხსაცმელი და წინდები »
»  მზისგან დამცავი სათვალე და კრემი »

ლომისა – უძველესი სალოცავი, წმინდა გიორგის სახელობის ეკლესია, ქართული ხუროთმოძღვრების ძეგლი მდინარეების ქსნისა და არგვისწყალგამყოფი ქედის უღელტეხილზე (დუშეთის მუნიციპალიტეტი). განეკუთვნება IX-X საუკუნეებს.

სახელწოდება, ტრადიციის თანახმად, ლომახარს უკავშირებენ. ვარაუდით თავდაპირველად ლომისა მთვარის საკულტო ტაძარი ყოფილა. ქრისტიანული ეკლესია აუგიათ წარმართული ტაძრის ადგილზე. ლომისა იყო მთიულეთისა და ქსნის ხეობის მოსახლეობის უპირველესი სალოცავი. აქვე წყდებოდა ბევრი ეკონომიკური, პოლიტიკური და სამხედრო საკითხი.

ნაგებობა გეგმით მარტივი სამეკლესიიანი ბაზილიკაა (14,5X7,8მ). ნაგებია ნატეხი ქვით. გადამხური კამარა პილასტრებზე ამოყვანილ საბჯენ თაღს ეყრდნობა. გრძივ კედლებში დაყოლებულია ნიშები. ტაძრის ირგვლივ შემორჩენილია სხვადასხვა დანიშნულების ნაგებობათა ნაშთი.

ჟინვალის წყალსაცავი — წყალსაცავი აღმოსავლეთ საქართველოში, დუშეთის მუნიციპალიტეტში, დაბა ჟინვალის ჩრდილოეთით. მდებარეობს მდინარე არაგვის შუა წელში. მოქცეულია ალევის, გუდამაყრისა და ქართლის ქედებს შორის. ფართობი 11.5 კმ². წყლის მოცულობა 520 მლნ. მ³, სასარგებლო მოცულობა 370 მლნ. მ³. შეიქმნა ჟინვალის ჰიდროელექტროსადგურის მშენებლობასთან დაკავშირებით მდინარე არაგვის ხეობაში. ჰესის პირველი აგრეგატი ამუშავდა 1985 წელს. საქართველოს წყალსაცავებიდან იგი ყველაზე ახალგაზრდაა. მას დიდი მნიშვნელობა აქვს ქალაქ თბილისის წყლით მომარაგების საკითხში.

    ლეგენდის თანახმად, ლომისა გზოვანის წმინდა გიორგია, რომელსაც ხორასნიდან 7 ათასი ტყვე დაუხსნია და ხარის რქებზე დაბრძანებული დამკვიდრებულა მლეთის მთაზე. მას ევედრებოდნენ შვილიერებას, თვალის სინათლეს, მიწისა და საქონლის ნაყოფიერებას. ლომისას სახით თაყვანს სცემდნენ საწინამძღვრო ჯვარს.
მისი კულტის ამსახველი ლეგენდებისა და რიტუალების თანახმად, ლომისა მეომარია, ალისფერ ცხენზე ზის და ხელში მათრახი უჭირავს, რომლის დაკვრითაც ბოროტს ცეცხლი ედება და იწვის.

გასათვალისწინებელი პირობები

1. არ მოვდივართ შეკრების ადგილზე ნასვამ/მდგომარეობაში
2. საკვებს მივირთმევთ ყველა ერთად
3. არ ვყრით ნაგავს!
4. არ მიგვყავს შინაური ცხოველები!
5. არ ვბილწსიტყავობთ!
6. არ ვუხვევთ დაგეგმილ მარშრუტს საკუთარი ნება-სურვილით!
7. არ ვკამათობთ, ვცვლით სასაუბრო თემას!
8. ყველა ერთად ვქმნით მეგობრულ, თბილ იდილიას გუნდში და ვქმომედებთ გუნდურად!

მოცემული პირობების შეუსრულებლობის შემთხვევაში ორგანიზატორი იხსნის ყველანაირ პასუხისმგებლობას/ვალდებულებას მოლაშქრის წინაშე!