თუმანიშვილის თეატრი

1978 წლის 14 იანვარს, ქართული თეატრის დღეს, ძველი კონოსტუდიის ბაზაზე სრულიად ახალმა თეატრმა, რომელსაც თავდაპირველად `კინოსტუდია `ქართული ფილმის~ თეატრალური სახელოსნო ეწოდა, თავისი საკუთარი სცენა გახსნა, ფაქტიურად კი არსებობა უფრო ადრე, 1975 წლის 5 სექტემბრიდან დაიწყო, ამ თეატრის დამაარსებელი და უცვლელი სამხატვრო ხელმძღვანელი გახლდათ დიდი რეჟისორი და არაჩვეულებრივი პედაგოგი მიხეილ თუმანიშვილი (1921 -1996).
`დაფუძნდა ექსპერიმენტული თეატრი, მომავლის თეატრი, “თუმანიშვილის თეატრი”, სადაც დამკვიდრდა პროფესიონალიზმის, მრწამსის, ერთგულების, თეატრის სიყვარულის კულტი. მოგვიანებით მას კინომსახიობთა თეატრი ეწოდა, დღეს თუმანიშვილის სახელს ატარებს და მსოფლიო თეატრალური სამყარო შესანიშნავად იცნობს მას.

30 წლიანი არსებობის განმავლობაში მიხეილ თუმანიშვილმა და მისმა მოწაფეებმა 70-ზე მეტი სპეკტაკლი განახორციელეს, რომლებმაც აღიარება პოვეს, არა მარტო საქართველოში, არამედ საზღვარგარეთ. მრავალფეროვანია და მნიშვნელოვანი თეატრის საგასტროლო ისტორია: ევროპის, ამერიკის შეერთებული შტატების, ლათინური ამერიკის და ავსტრალიის უდიდეს ფესტივალებზე მოპოვებული წარმატება – იქნება ეს, გასტროლებზე მიღებული აღიარება თუ სხვადასხვა პრესტიჟული ნომინაცია. თუმანიშვილის `დონ ჟუანი” ედინბურგის საუკეთესო ათეულშია შესული. ეს ის ლეგენდარული სპექტაკლია, რომელზეც პიტერ ბრუკმა თქვა: `თუ გსურთ იხილოთ ნამდვილი მოლიერი, წადით საქართველოში და ნახეთ `დონ Hჟუანი~. შექსპირის პირველ საერთაშორისო ფესტივალზე ლონდონში საუკეთესო სპექტაკლად თუმანიშვილის `ზაფხულის ღამის სიზმარი” აღიარეს.
დღეს თუმანიშვილის სახელობის თეატრში მისი მოწაფეები მოღვაწეობენ. დასის ძირითადი ნაწილი მიხეილ თუმანიშვილის მიერ ან მისი თეატრალური ესთეტიკით აღზრდილი მსახიობებისაგან შედგება.