Aside

3 აგვისტოს, კვირას ტურისტული კომპანია “Walker”
გთავაზობთ საფეხმავლო ტურს ხევსურეთში.

მარშრუტი :
ბარისახო, როშკა, აბუდელაურის ფერადი ტბები

სახეობა : კულტურული, შემეცნებითი.
საშუალო სირთულე: რთული
სატრანსპორტო საშუალება: მიკრო-ავტობუსი
ხანგრძლივობა: 1 დღე (გასვლა 3 აგვისტო 2014 კვირა)
ფეხით გასავლელი მანძილი: 14 კმ
ფიჭური კავშირი: შეფერხებით
კვება : ორჯერადი
მანძილი: 350 კმ.

ფასი: 35 ლარი

(ფასში შედის: ტრანსპორტის გადასახადი, ფოტოგრაფი, ორჯერადი კვება)

შეხვედრის დრო და ადგილი: სადგურის მოედანი
კვირა, 3 აგვისტო, დილის 06:00 საათი

ფეხით სასიარულო არის 14 კმ. 
საკონტაქტო: 551 211 355 მიშა

(დაწვრილებითი ინფორმაციისთვის დააჭირეთ Continue reading )

ტურის აღწერა:

გასვლა თბილისიდან – გზად გავივლით ჟინვალის წყალსაცავს, ფშავის არაგვის ულამაზეს ხეობას, მოვინახულებთ კორშის ხევსურულ მუზეუმს, სამანქანო გზით მივალთ სოფელ როშკამდე. გზა სოფელი კორშიდან სოფელ როშკამდე სიმაღლეზე ერთბაშად ასვლის პროცესია, რაც თავისთავად ძალიან საინტრესოს ხდის მგზავრობას გამორჩეული კლიმატითა და მრავალფეროვანი ხედებით.

საფეხმავლო ბილიკი – სოფელი როშკიდან ტბებამდე მანძილი იფარება ფეხით, რაც დაახლოებით ერთი მიმართულებით 6 – 7 კილომეტრია (სულ 14 კმ). გზის ეს მონაკვეთი დატვირთულია ემოციებით, ადრენალინით და დაუვიწყარი თავგადასავლებით. საღამოს, ტბების (ლურჯი, მწვანე) მიმდებარედ, ჭიუხების ძირში გვექნება ვახშამი და დავბრუნდებით სოფ. როშკამდე და გავემგზავრებით თბილისისკენ.

ფეხით გასავლელი მანძილი სულ:
15 კმ 

გზის მონაკვეთები: 
1. (საშუალო) – როშკიდან მწვანე/ლურჯ ტბებამდე: სტაბილური, მცირე დახრილობის აღმართი (6 კმ)

2. (საშუალოზე რთული) – ლურჯი ტბიდან თეთრ ტბამდე: აღმართი ქვაღორღიან ფერდობზე, ბილიკის გარეშე (1.5 კმ)

3. (მარტივი) – თეთრი ტბიდან ლურჯ/მწვანე ტბებამდე და უკან – როშკაში: სტაბილური, მცირე დახრილობის დაღმართი ( 1.5 + 6 კმ) 

 

ამინდი: 
გასვლა შედგება მიუხედავად ამინდისა!!!

რა წავიღოთ?
აუცილებლად: საწვიმარი, თბილი ტანსაცმელი, გამოსაცვლელი ტანსაცმელი, ფეხსაცმელი და წინდები, არაერთჯერადი მოხმარების ჭურჭელი
სასურველია: პირადი აფთიაქი, ქუდი. 

 

დასათვალიერებელი ადგილები:

აბუდელაურის ფერადი ტბები-სამოთხე დედამიწაზე

აბუდელაურის ფერადი ტბები, რომელიც ტრადიციებითა და კულტურით მდიდარი, მაღალმთიანი ხევსურეთის თვალწარმტაც მიდამოებს მეტ ხიბლს სძენს, დამეთანხმებით, რომ აუცილებლად უნდა მივაკუთვნოთ ბუნების უიშვიათეს ქმნილებათა სიას. აბუდელაურის ფერადი ტბები მყინვარული (მორენული) წარმოშობის ტბებია აღმოსავლეთ საქართველოში, დუშეთის მუნიციპალიტეტში, თუშეთ-ხევსურეთის კავკასიონის სამხრეთ კალთაზე, მდინარე როშკისწყლის მარჯვენა შენაკადის აბუდელაურის სათავეში (ხევსურეთის არაგვის აუზი), სოფლების როშკასა და ჯუთასთან ახლოს ზღვის დონიდან 2812 მეტრზე. საზრდოობს თოვლის, მყინვარისა და წვიმის წყლით. ტბების მაქსიმალური დონე ზაფხულში აღინიშნება, მინიმალური კი ზამთარში. ხანგრძლივი დროის განმავლობაში (6 თვეზე მეტი) ტბები ყინულითაა დაფარული, რომლისგანაც მხოლოდ მაისის ბოლოს თავისუფლდება.

კომლექტში სამი ტბა შედის: მწვანე, თეთრი და ლურჯი ტბები, რომლებიც არც თუ ისე დიდი მანძილით არიან დაშორებულნი. ტბებში არ ბინადრობენ თევზები.

სოფელი როშკა 

საავტომობილო გზა სოფელ როშკასთან წყდება. აქედან საკმაოდ დიდი და რთული გზა უნდა გაიაროთ, რათა ტბებამდე მიაღწიოთ. თუმცა, ნამდვილად არ მოიწყენთ, რადგან გზად ირგვლივ მიმოფანტულ როშკის ლოდებს გადააწყდებით, ცოტა ხანში კი, ღრუბლებში ჩამალულ ჭაუხების მასივს მოჰკრავთ თვალს.

ლურჯი ტბა

უძველესი ლეგენდის თანახმად, სწორედ ლურჯ ტბაში შეაფარა თავი იახსრის ლახტს გამოქცულმა უკანასკნელმა დევმა. მანამდე იახსარმა ლახტი ესროლა დევს, მაგრამ დევი კლდეს ამოეფრა, ლახტი კლდეს მოხვდა და მისგან ანასხლეტმა ნაფოტმა დევს თვალი გამოთხარა ( ეს კლდე დღესაც დგას როშკის თავში), ცალთვალა დევი კი ტბაში ჩაეშვა. იახსარი თან ჩაჰყვა ტბაში და დევი განგმირა, მაგრამ დევის უწმინდურმა სისხლმა შეკრა ტბის ზედაპირი და იახსარმა ვეღარ შეძლო ამოსვლა, სანამ ოთხრქა-ოთხყურა ცხვარი არ დაკლეს და მისი სისხლი ტბას არ ასხურეს. ცხვრის სისხლმა უწმინდურის სისხლით წაბილწული ტბა განწმინდა და იახსარსაც ხმელეთზე ამოსასვლელი გზა გაეხსნა. ამბობენ, ღვთისშვილი მტრედის სახით ამოფრინდა იქიდანო. მადლიერი იახსარი ბლოელს შეპირდა, რომ მის სიკეთეს არ დაივიწყებდა და სანაცვლოდ ამისა, სამ თხოვნას შეუსრულებდა. როცა გაგიჭირდება, მიხმე და მეც შენთან გავჩნდებიო. იახსარი აქედან მალე გაფრინდა და ლიქოკის თავზე, კარატის წვერზე დაბრძანდა. მას აქეთ, აქ იახსრის კოშკი და საზარე დგას და ამაყად გადმოჰყურებს აბუდელაურის დიად სანახაობას. 

მწვანე ტბა 

მისი წყალი გამჭირვალე და მუდამ სუფთაა. თუმცა ეს ყველაფერი არაა. თქვენ კიდევ უფრო მაღლა მოგიწევთ ასვლა, რათა იხილოთ აბუდელაურის ტბების ყველაზე ლამაზი ტბა, რომელიც თეთრი შეფერლობისაა. მართალია, სიარულს თოვლი, ქვა-ღორღი და დეკის ბუჩქები აძნელებს, მაგრამ არ შეჩერდეთ. ძალიან მალე, თეთრად მოლივლივე წყალს შეავლებთ თვალს, რომელიც აქა-იქ შეიძლება ცისფერი შეფერილობისაც მოგეჩვენოთ. ძნელია, სიტყვებით გადმოსცე ეს სილამაზე. უბრალოდ შთამბეჭდავია. დაჰყურებ ბუნების ამ ნამდვილ საოცრებას და გული სიამაყითა და სითბოთი გევსება. უეცრად თითქოს დრო ჩერდება. თვალს ხარბად ავლებ ბუნებას და თანდათან, უფრო მძლავრად აღიქვამ მის მშვენიერებას. გგონია, სანუკვარი ოცნება აისრულე, რომელიც აქამდე არც კი იცოდი, თუ გქონდა. აღარ გინდა დაბრუნება ხმაურიან ბარში, სადაც მანქანების გამონაბოლქვის გარდა, თითქოს მეტი არც არაფერია. 

“შენი სულის ნაწილი მთაში რჩება და სამარადისოდ იძირება ამ ტბების უსასრულო სიღრმეში. ხევსურეთი სამუდამოდ ხდება შენი სახლი, რომელიც თვალის მოწყვეტის წუთიდან სიცოცხლის ბოლომდე გენატრება”…

კვებაში შედის:

კოტლეტი
ბლინჩიკი
შემწვარი ქათამი
ძეხვეული (მონადირული)
ხაჭაპური
ლობიანი
კიტრი
პომიდორი
ყველი
გამაგრილებელი სასმელი

გასათვალისწინებელი პირობები:

არ მოვდივართ შეკრების ადგილზე ნასვამ მდგომარეობაში

არ ვუხვევთ დაგეგმილ მარშრუტს საკუთარი ნება-სურვილით!

არ ვიღებთ ალკოჰოლს სიარულისას

საკვებს მივირთმევთ ყველა ერთად (გარდა იმ შემთხვევისა, თუ ვინმე შეუძლოდ გახდა)

არ ვყრით ნაგავს!!!

არ ვყოფთ ჯგუფს “კუტოკებად” !

ყველა ერთად ვქმნით მეგობრულ, თბილ იდილიას გუნდში და ვქმოქმედებთ გუნდურად!

მოცემული პირობების შეუსრულებლობის შემთხვევაში ორგანიზატორი იხსნის ყველანაირ პასუხისმგებლობას მოლაშქრის წინაშე!

ბარისახო, როშკა, აბუდელაურის ფერადი ტბები

დატოვეთ Facebook კომენტარი

Leave a Reply

Your email address will not be published.

This site uses Akismet to reduce spam. Learn how your comment data is processed.