ლაშქრობა

ლაშქრობა – სპორტული ტურიზმის სახეობა. როცა მოგზაური ფეხით მგზავრობს და თავშესაფარი და სურსათი ზურგით დააქვს, ამას ტურისტული ლაშქრობა ჰქვია. ეს ისეთი პოპულარული საქმიანობაა, რომ არსებობს უამრავი ფეხით მოგზაურობის ორგანიზაცია მთელი მსოფლიოს მასშტაბით. ლაშქრობაში საჭიროა მსუბუქი, კომპაქტური აღჭურვილობა, მათ შორის — პატარა კარავი და საძილე ტომარა, ხოლო შორ ადგილებში ლაშქრობისას — სამყოფი საკვები, ფარანი, კარგი რუკა და კომპასი ან (GPS-ი). 

როგორ მოვემზადოთ ხანგრძლივი ლაშქრობისთვის

ორზე მეტ დღიანი ლაშქრობისთვის პირველ რიგში ფსიქოლოგიურად უნდა მოვემზადოთ. უნდა დავფიქრდეთ შევძლებთ თუ არა კონკრეტული მარშუტის გავლას, ეს იმისთვისაა საჭირო, რომ სხვა მოლაშქრეები არ შევაყოვნოთ მარშირების დროს, ეს როგორც თქვენს ნერვებზე, ასევე სხვის ნერვებზეც იმოქმედებს, მაგრამ როგორც წესი სურვილი ყოველთვის ბევრს ახდენს ანუ თქვენ თუ გექნებათ სურვილი რაღაცის გაკეთებისა ამას აუცილებლად გააკეთებთ. უნდა ვიცოდეთ, რომ ლაშქრობისას როგორც წესი მოკლებული იქნებით “ევროპულ” საპირფარეშოს ასევე აბაზანას მათ შემცვლელად ბუჩქები და მდინარები იქნება. ასეთ ელემენტარულ რაღაცებზე წინასწარ უნდა დაფიქრდეს ყველა დამწყები მოლაშქრე.

ლაშქრობისთვის აუცილებელი ნივთები

  • კარავი;
  • ზურგჩანთა – აუცილებლად კარგად მორგებული;
  • სასურველია თბილი მოსაცმელი;
  • ფეხსაცმელი – უმჯობესია ბოტასი (სასურველია გამოსაცვლელი ფეხსაცმელი, არ არის აუცილებელი იყოს ახალი, დიდი ალბათობაა ფეხის დაზიანების. );
  • პარალონი;
  • საწვიმარი – გამოდგება როგორც წვიმისგან დასაცავი ასევე კარვის გასაკეთებლად;
  • დანა – სასურველია საშუალო ზომის ნაკლებად მძიმე;
  • ტანსაცმელი – სასურველია რამდენიმე წყვილი;
  • მზისგან დამცავი საშუალებები გამოდგება კეპი;
  • პირადი ჰიგიენის ნივთები;
  • ასანთი – სასურველია რამდენიმე ცალი;
  • პირადი აფთიაქი;
  • სველი ხელსახოცი, ტუალედის ქაღალდი;
  • ფანარი;
  • წყლის ჭურჭელი;
  • ცული;
  • ნემსი და ძაფი;
  • კბილის ჯაგრისი
  • თეფში, დანა, ჩანგალი, კოვზი, ჭიქა (სასურველია ალუმინის).

    რჩევები ლაშქრობის დროს

    • იარეთ მოკლე, ზომიერი ნაბიჯებით, დაადგით მთელი ტერფი;
    • ისუნთქეთ ცხვირით, ღრმად – ნაკლებად მოგწყურდებათ და არ დაიქანცებით;
    • მცირე შესვენების დროს არ დაჯდეთ, თორემ უფრო მალე დაიღლებით;
    • წყალი მხოლოდ დასვენებისას დალიეთ;
    • სველი ტანსაცმელი ტანზე არ შეიშროთ;
    • შესვენებისას მოიხსენით ზურგჩანთა, დადეთ იგი მიწაზე თასმებით ზევით, რათა კარგად შეშრეს სწორედ ის მხარე, რომლითაც იგი ზურგზეა ჩამოკიდებული;
    • ლაშქრობაში მიირთვით ცხელი საჭმელი – ეს ადვილად მოსანელებელია;
    • ფეხსაცმელი ჩაიცვით ნატარები, სქელი ლანჩით;
    • ამხანაგს თუ უჭირს გაუწიეთ დახმარება;
    • მწყობრში სიარულისას სუსტებმა იარონ წინ, ძლიერებმა კი უკან;
    • მცირე შესვენების თუ ღამისთევის ადგილი გასვლის წინ კარგად დაათვალიერეთ, რომ არაფერი დაგრჩეთ;
    • არ დატოვოთ ცეცხლი ჩაუქრობელი, დაიცავით სისუფთავე;
    • ბუჩქნარში სიარულისას იარეთ ფრთხილად, რადგან თქვენი სხეულის მიერ მოქნეულმა ტოტმა შეიძლება დააზიანოს თქვენს უკან მომავალი, დაიცავით დისტანცია.

 

როგორ ჩავალაგოთ ჩანთა, ლაშქრობის დროს?

ხანგრძლივი ლაშქრობისას გასათვალიწინებელია ის, თუ როგორ ჩავალაგებთ ჩანთას. როდესაც ყველა ნივთს შევაგროვებთ, შეეცადეთ გადარჩიოთ აუცილებელი და ნაკლებად აუცილებელი ნივთები. ხანგრძლივი ლაშქრობისას, არაფერში გჭირდებათ ზედმეტად მძიმე გამოუსადეგარი ნივთები მაგალითად: წიგნები ან ქოლგა.
ყველა ნივთი მოათავსეთ ერთად და კიდევ გადახედეთ გაქვთ თუ არა ყველა ის ნივთი, რომელიც გჭირდებათ. უმნიშვნელო მაგრამ საჭირო ნივთის დავიწყების შემთხვევაში, შეიძლება ძალიან გაგიჭირდეთ. სასურველია თუ გექნებათ საჭირო ნივთების სია და აღნიშნავთ ყველა ნივთს.
ჩანთის ჩალაგებისას გავითვალისწინოთ მოლაშქრის ოქროს წესი. ყველა მძიმე ნივთი მოვათავსოთ ჩანთის ძირში ან ზურგთან ახლოს, ჩანთის ბოლოში ასევე ჩაალაგეთ ნივთები, რომელიც სიარულის დროს არ დაგჭირდებათ, მაგალითად ტუშონკები ან საძილე ტომარა, ნივთები, რომელიც შეიძლება გზაში დაგჭირდეთ უმჯობესია ან ზემოთ მოათავსოთ ან გარეთა ჯიბეებში, მაგალითად საწვიმარი ან პატარა აფთიაქი. წონის სწორად გადანაწილების შემთხვევაში ჩანთის როგორც მოკიდება ასევე ტარება სასიამოვნო იქნება.
ყველა ნივთის ჩანთაში მოთავსების შემდეგ, მოიკიდეთ ჩანთა შეამოწმეთ ზურგზე რამე ხო არ გერჭობათ ან ცალ მხარეს უფრო მეტი წონა ხომ არ არის. შეამოწმეთ ყველა რემენი, რომელიც ჩანთას აქვს, ასევე ყველა შესაკვრელი რაიმე დაზიანებული ხომ არ აქვს. კარავს, პარალონს და სხვა ისეთ ნივთებს, რომელსაც წვიმის დროს არ დაზიანებდება, შეგვიძლია გარედან ჩამოვკიდოთ. გაითვალისწინეთ, რომ არ შეიძლება ჩანთის, როგორც სწრაფად მოხსნა,  ისევე მოკიდება. შეეცადეთ ორივე ქმედების დროს ჩანთა რაიმეზე დადოთ და ისე მოიხსნათ ან მოიკიდოთ თუ ასეთი ახლო-მახლოს არაფერია მაშინ მეორე მოლაშქრის მუხლის გამოყენება შეიძლება.

ლაშქრობის დროს სასურველია პირადი აფთიაქის წაღება

1) სასურველია შევინახოთ პლასტმასის წყალგაუმტარ კონტეინერში.
2) სტერირული ბინტი ერთი ან ორი ცალი
3) ელასტიური ბინტი ერთი ცალი ნახევარმეტრიანი
4) იოდი
5) ე.წ “სველი სალფეტკი”
6) სანტავიკი სასურველია რამოდენიმე ცალი
7) ანტიბიოტიკი (ციპროფლოქსაცინი ან ციპრობაი ან ციპრინოლი 500მგ) 10-12 ტაბლეტი
8) ტკივილგამაყუჩებელი (ტორადოლი 6 აბი)
9) რეჰიდრონის პაკეტი (ფაღარათის დროს მიიღება, იხსნება 1 პაკეტი 1 ლიტრ წყალში) 2 პაკეტი
10) წყალბადის ზეჟანგი (პლასტმასის ბოთლში!!!!) ჭრილობების დასამუშავებლად
11) თუ ადამიანი ალერგიულია – ტელფასტი ან სუპრასტინი ან ტავეგილი უნდა ატაროს, ფუტკრის ან სხვა შხამიანი მწერის კბენის შემთხვევაში.
12) გაციების საწინაღმდეგო სპეციალური ჩაის ფხვნილები.
13) ვალერიანი ან ვალიდოლი

P.S – წამლების ჩამონათვალში არ არის აუცილებელი ყველაფერი თან ატაროთ აირჩიეთ შეხედულებისამებრ.
ეს ნივთები არ დაიკავებს დიდ ადგილს თქვენს ჩანთაში, სამაგიეროდ შეიძლება ძალიან დაგეხმაროთ ლაშქრობისას.

კომპანია ვოლქერი ბედნიერ ლაშქრობებს გისურვებთ და გახსოვდეთ, რომ ლაშქრობისას მხოლოდ საკუთარ თავზე ნუ იზრუნებთ. მარშირებისას იფიქრეთ სხვაზეც და ასე უფრო ბევრად სასიამოვნო იქნება ლაშქრობა.

დატოვეთ Facebook კომენტარი

Leave a Reply

Your email address will not be published.

This site uses Akismet to reduce spam. Learn how your comment data is processed.